loti the hacker AnTaR-(50%)
Numri i postimeve : 208 Age : 28 Registration date : 19/12/2008
| Titulli: Bomba e Liçajt: Ndeshja ishte e shitur Thu Feb 05, 2009 2:20 am | |
| Edmon Liçaj, i cili nuk e ka pritur mirë shkarkimin e tij, i lë një “bombë” në dorë skuadrës së Flamurtarit. Ish-trajneri i shkarkuar dy ditë më parë, me motivacionin për rezultate të dobëta, reagon ashpër 24 orë më pas, duke akuzuar skuadrën dhe drejtuesit e klubit vlonjat. Ai nuk ka vonuar të tregojë me gisht njerëzit, që sipas tij kanë qenë plangprishësit në ecurinë e ekipit në këtë pjesë të sezonit. Shkak për shkarkimin e tij nga posti i trajnerit të Flamurtarit u bë humbja 2-0 të shtunën në shtëpi ndajekipit të Apolonisë. Një ditë më pas, drejtuesit e klubit lajmëruan se kishin vendosur për largimin e trajnerit Liçaj, për shkak të paraqitjes jo të mirë të ekipit në ndeshjet e fundit. Sipas Liçajt, ndeshja me Apoloninë ka qenë e shitur, kjo duke u nisur nga sjellja e futbollistëve të tij në fushën e lojës. “Nuk është e mundur që një skuadër të luajë aq keq. E kisha përgatitur mirë këtë takim dhe nuk e diskutoja fitoren. Mendoj se takimi është shitur nga lojtarët dhe ata që kanë qenë të interesuar që kjo ndeshje të përfundonte. Ndeshja ka qenë e trukuar, ajo ishte vendosur që më parë në tavolinë. Në radhët e skuadrës ka të paaftë dhe presidenti i ekipit, kryetari i bashkisë, ndërhyn në përcaktimin e formacionit”, pohoi dje në një konferencë për shtyp ish-trajneri i Flamurtarit, Edmond Liçaj. Ai u rikthye në drejtimin e Flamurtarit pas disa vitesh. Liçaj erdhi si trajneri që i ka dhënë Flamurtarit titullin e vetëm kampion. Po dje, sekretari i klubit vlonjat, Geri Çipi, konfirmoi se për pjesën e mbetur të sezonit, ekipin do ta drejtojë Eqerem Memushi dhe zëvendëstrajneri Latif Gjondeda. Memushi rikthehet në stolin e Flamurtarit pas rreth një viti, ndërsa Gjondeda do të rikthehet tek ekipi i parë i Flamurtarit pas një kohe relativisht të gjatë. | |
|